MZP chuan, Hun reilote chhunga ILP checkna hunah hian, hmuhchhuah tam tak neih a ni a, hnam dang leh hnam dang-in sponsor te, mahni leh mahni in sponsor te, hnathawk tura kalte pawh lirthei (two wheeler) hmangin a tam zawk an kal tawh a, ke a kal check tur pawh an tlem hle a, lirthei khalh a tam zawk an ni, an ti. An lirthei khalh hi a tam zawk Assam Registration niin, Learners License nen chauh a bungraw sem an awm bawk. MZP hian a khat tawkin kum tin ILP checkna hun hi a lo nei tawh thin a, thil lang chiang em em chu Sairang thlenga rel alo luh hnu hian, hnamdang(vai) hi an rawn pung a, an zalen viau tih chiang takin a hmuh theih a ni, an ti bawk.

MZP chuan, sawrkar thuneitute hnenah pawh ILP chungchangah rawtna vawi tam athlen tawh a, hei aia khauh zawka kalpui anih theih nan thuneitute kan ngen nawn leh a, Inner Line Pass pe chhuaktu lam pawh fimkhur zual tur leh diklo taka an pekchhuah kan hmuh chungchangah, a pe chhuaktu hrem anih ngei theih nan a hma la turin MZP chuan thuneitute a ngen bawk a ni.

Mizo te hi chimral tham lek kan ni a, ILP check chungchangah hian a tul anih chuan MZP hian nasa takin hma a la zel dawn a, Mizo hnam dang (vai) chhawr leh hlawkna um a vai sponsor leh an thlavang hauh thin tun thlenga an la awm chu MZP chuan mak a ti hle a, mahni hnam hralhtu ah MZP chuan a ngai a ni, an ti a.

Mizoram Sorkar Gazette Notification No. F. 22015/1/2012-HM dt. 25th November, 2016 chuan self-sponsorship chu Non-Tribal Trade License holders nei te tana an phalsak hi a mak kan tie m em a, sorkar hian he notification hi sut vat turi MZP chuan a ngen a ni.

Chutiang bawkin Gazette No. F. 22015/1/2012-HM, the 11th August, 2017 na in Non Tribal Trade Licence holders ten mi 5 thleng managers/helpers an sponsor thei hi tha kan tilo a, he thupek pawh hi sut nghal turin MZP chuan sorkar thuneitu te a ngen a ni.

Mizoram Sorkarin ILP dan a siamtha mek niin kan hria a, hemi atan hian October Ni 30, 2025 khan MZP chuan Home Minister hnehah rawtna a thlen a, chunga kan point pawimawh zual te:-

1. ILP fee hi tihsan nise, chumi hmang chuan check point-ah police indaih lohna phuhruk nan Private Security agencies te rawih nise kan ti a.

2. Tin ILP dilna hi online vek nise, Adhaar based application siamin a diltu leh sponsor tu ten Adhaar OTP hmanga verify vek nise, chu bakah mimal pakhatin mi 10 aia tam sponsor phalloh ni bawk se, adhaar based verification hian hemi hi a veng thei dawn a ni. Overstay te chawi tur hi a tlem hle a, Manipur sorkar gazette notification ang hian fines sang tak ₹ 50,000 – ₹1,00,000 inkar chawi tir nise kan duh a (https://manipurgovtpress.nic.in/media/gazzete/EG-306A.pdf)

3. Hei bakah hian a sponsor tu mawhphurhna tih tam leh zual nise, ILP hmang diklo emaw overstay emaw an awm chuan, ILP neitu emaw sponsor tu in an chawi kan duh a ni.

4. Tin ILP hmang dik lo thawn haw (Deport) te chu Mizoram a lut thei lo emaw ILP dil theih loh hun chhung (cooling period) kum 1 atanga kum 2 siam kan duh bawk a ni.

5.  ILP hmang dik lo te report-na tur Dedicated WhatsApp siam turin sorkar kan ngen bawk.

Kan hnam himna atan inhung bik nan ILP kan neih hi mitin ten hmang fimkhur turin kan ngen a, Local Council leh Village Council te pawh thawhpui atan kan sawm tak meuh meuh a, mahni veng chhungah ILP neilo emaw kan awm a nih pawhin dap chhuak a thuneitute hnehah hla thin turin kan ngen a.

Chutih rual chua hnam dang sumdawng te mawng zawm a thawhpui lo turin Mizo mipui te kan ngen a, dan diklo a Mizoram-a hnam dang (vai) awm te an thlavang hauh thin lo turin Mizo mipui te kan ngen nawn nghal bawk a ni, tih an tarlang.